نواع من الرجال عار على مجتمعنا

السلام عليكم و رحمة الله تعالى و بركاته
من الأشياء الغريبة على مجتمعنا الجزائري المحافظ خاصة بأيامنا هذه ظهور أصناف من الرجال أو ما يقال عنهم أشباه رجال يحملون مواصفات و قيم غريبة و دخيلة و بعيدة كل البعد عن قيمنا و عاداتنا و تقاليدنا و تعاليم ديننا
فلنتكلم على بعض النماذج من هؤلاء الرجال :

1 نوعية من الرجال يتزوج إمرأة عاملة و هو يكون بطال و يتقبل على نفسو يعيش على ظهر إمرأة تصرف عليه و هو ماكل راقد شارب و ما يبذلش أدنى مجهود باش يروح يحوس على شغل يحفظ به ما تبقى من كرامته و ربما لو حدث و طلبت منو زوجتو يدور على شغل شوفو واش ممكن يكون الرد نتاعو بكل برودة دم و قلة كرامة ** احمدي ربي انك لقيتي واحد يتزوج بيك راهم النسوان بالجملة و اشكال الوان و غير يزيدو على رواحهم و راهي تحوس عليا غير مولات 16 ** و غالبا هذ النوع من الرجال يستغل اموال زوجتو و حتى لو هي كرهت من تصرفاتو و طالبت بالطلاق يخلقلها مشاكل و يمارس عليها ضغوطات نتاع الطلاق مقابل مبلغ مالي معين
2 نوعية من الأزواج و هذ النوعية الصراحة و بكل اسف موجودة هذ النوعية عندو استعداد يتاجر بعرضو و بزوجتو و باختو و قريباتو و يقدمهم للمسؤولين و أصحاب السلطة و النفوذ مقابل حصوله على ترقية او حصوله على مصلحة معينة من هذ المسؤول أعوذ بالله من شر خلق الله
3 نوعية أخرى من الرجال الأغنياء الي مالهم مدوخهم تلقاه كل يوم يتزوج و يطلق و حاسب بنات الناس لعبة أو سلعة تباع و تشترى و الصراحة هذ النموذج موجود كثير بمنطقة الجلفة على وجه التحديد
4 نوع اخر من الرجال الي ظهر مؤخرا في مجتمعنا هذا يروح يخطب و يستغل هذ الخطبة الي تخليه عندو مساحة اكثر للالتقاء بالخطيبة غالبا يقوم بهتك عرضها و اخذ شرفها و يختفي من حياتها دون سابق إنذار و دون رجعة